Սիրիական Հոմսից տարհանվել է գրոհայինների առաջին խումբը

15:46 • 07.05.14

Սիրիայի զինված գրոհայինների մի խումբ այսօր դուրս է բերվել Հոմս քաղաքի հին թաղամասերից։ Այդ մասին ՍԱՆԱ գործակալությանը հայտնել է Հոմսի նահանգապետ Թալյալ ալ Բարազին։ Քաղաքի կենտրոնի ազատագրումից հետո այնտեղ կանցկացվի տների և փողոցների ականազերծման գործողություն, որից հետո իշխանությունները թույլ կտան խաղաղ բնակիչներին վերադառնալ իրենց տները, հայտնում է ԻՏԱՌ ՏԱՍՍ-ը։

 

Ավելի վաղ հաղորդվում էր, որ գրոհայինների առաջին խումբը քաղաքից դուրս կբերվի 5 ավտոբուսներով՝ Սիրիայում ՄԱԿ-ի առաքելության աշխատակիցների ուղեկցությամբ։ Քաղաքի պատմական կենտրոնից գրոհայինների հետ դուրս կբերվեն նաև նրանց ընտանիքները։ Ընդհանուր առմամբ, նախատեսվում է քաղաքից տարհանել մոտ 2000 մարդու։

 

Սա կատարվում է հրադադարի մասին պայմանական համաձայնության շրջանակում։