Չեխիայի նախագահը հրաժարվել է Հաղթանակի օրը նշել Ռուսաստանի դեսպանատանը

10:05 • 08.05.14

Չեխիայի նախագահ Միլոշ Զեմանը հրաժարվել է Պրահայում Ռուսաստանի դեսպանատանն անցկացվելիք Երկրորդ համաշխարհային պատերազմի հաղթանակին նվիրված արարողությանը մասնակցությունից, հայտնում է gazeta.ru-ն:

 

Աղբյուրը վկայակոչում է չեխական մամուլը, որն իր հերթին հղում է անում Զեմանի մամուլի խոսնակ Յիրժի Օվչաչեկային: Վերջինս նշել է, որ Հաղթանակի 69-րդ տարին նշելու համար Զեմանի փոխարեն Ռուսաստանի դեսպանատան բանկետին կմասնակցի Արտաքին գործերի գրասենյակի տնօրեն Գինեկ Կմոնիչեն:

 

Ավելի վաղ Չեխիայի նախագահը հայտարարել էր, որ Ուկրաինա Ռուսաստանի ներխուժման դեպքում հարկավոր կլինի ՆԱՏՕ-ի ուժերը տեղակայել Ուկրաինայի տարածքում: