Արագածոտնի մարզում BMW-ն բախվել է ժայռաբեկորին. վարորդն ու երկու ուղևորը մահացել են, մեկը՝ տեղափոխվել է ԲԿ

08:35 • 09.05.14

Մայիսի 8-ին` ժամը 23:51-ին ահազանգ է ստացվել, որ Արագածոտնի մարզի Մաստարա գյուղի մոտակայքում տեղի է ունեցել ՃՏՊ, կան տուժածներ. անհրաժեշտ է փրկարարների օգնությունը:


Ինչպես տեղեկացնում է ԱԻՆ-ը, դեպքի վայր է մեկնել մեկ մարտական հաշվարկ:

 

Պարզվել է, որ «ԲՄՎ» մակնիշի 34 DZ 133 պետհամարանիշով ավտոմեքենան դուրս է եկել ճանապարհի երթևեկելի հատվածից և բախվել ճամփեզրի ժայռաբեկորներին:


ՃՏՊ-ի հետևանքով վարորդ` 1980 թ. ծնված Ա. Մ.-ը և 2 ուղևորներ տեղում մահացել են, իսկ ուղևոր` 1977 թ. ծնված Ն. Մ.-ը տեղափոխվել է Թալին քաղաքի ԲԿ, որտեղ բժիշկները տուժածի առողջական վիճակը գնահատել են բավարար:


Հրշեջ-փրկարարները ավտոմեքենայից դուրս են բերել վարորդ Ա. Մ.-ի դին և հանձնել շտապօգնության աշխատակիցներին: