Օլանդը Բաքվում ասել է, որ մոտ ապագայում Ուկրաինայի վերաբերյալ վճռական քայլեր են ձեռնարկվելու

13:15 • 12.05.14

Ֆրանսիայի նախագահ Ֆրանսուա Օլանդն Ադրբեջանի նախագահ Իլհամ Ալիևի հետ հանդիպումից հետո հայտարարել է, որ Ուկրաինայի հանդեպ առաջիկա օրերին վճռական քայլեր են ձեռնարկվելու, տեղեկացնում է РИА Новости գործակալությունը։

 

«Մենք պետք է վճռական լինենք և հետևենք սկզբունքներին։ Կարծում եմ՝ առաջիկա օրերին Ուկրաինայի հարցում վճռական քայլեր են ձեռնարկվելու»,-ասել է նա։

 

Ալիևի հետ հանդիպման ընթացքում Օլանդը նշել է, որ Ֆրանսիան մեծ նշանակություն է տալիս տարածքային ամբողջականությանը։ «Միաժամանակ դա առնչվում է Հարավային Կովկաս իմ այցելությանը»,-ասել է նա։