Գիտնականները կոչ են անում հրաժարվել սննդի վակուումային փաթեթավորումից

Սննդի վակուումային փաթեթավորումը վտանգավոր է մարդու առողջության համար, քանի որ վակուումային փաթեթավորումը կարող է մահացու բակտերիաներ պարունակել: Այս մասին հաղորդում է Meddaily.ru-ն՝ НИА «Кузбасс»-ին հղումով:

Դանիայի տեխնիկական բաց համալսարանի փորձագետները պարզել են, որ վակուումի տակ գտնվող բակտերիաներով վարակված հիվանդների մեկ քառորդի մոտ մեծանում է մահվան ռիսկը:

Բանն այն է, որ թթվածնի բացակայության պայմաններում listeria monocytogens պաթոգեններն առավել ագրեսիվ են դառնում և ընկնելով մարդկային օրգանիզմ՝ ակտիվ հարձակում են սկսում:

Գիտնականների խոսքով՝ այդ տեսակետից վտանգավոր են համարվում կաթը, պաղպաղակը, մսամթերքը, կիսաֆաբրիկատները, ձուկը և բանջարեղենը:

Սննդային թունավորումն ավելի վտանգավոր է, քան շատերը կարծում են: Ապացուցվել է, որ վարակը հետք է թողնում ողջ կյանքի համար:

Այսպիսով՝ մեկ անգամ թունավորվելով՝ հնարավոր է ողջ կյանքում տառապել որպես հետևանք մնացած այնպիսի հիվանդություններով, ինչպիսիք են՝ շաքարախտը, արտրիտը, երիկամային անբավարարությունը, հիպերտոնիան, սրտի կաթվածն ու ինսուլտը: