Վանաձորում մուրճով արագաչափ սարքը ջարդած անձի ինքնությունը պարզվել է. ոստիկանություն

12:35 • 13.05.14

Ոստիկանության Տարոնի բաժնում մայիսի 2-ին հաղորդում էր ստացվել Վանաձոր քաղաքի Բաղրամյան պողոտայի արագաչափ սարքը վնասելու մասին: 

Նյութերի նախապատրաստման ընթացքում ոստիկանության Լոռու մարզային վարչության և Տարոնի բաժնի ծառայողների կողմից ձեռնարկված միջոցառումների շնորհիվ պարզվել է, որ մայիսի 1-ին, ժամը 23.30-ի սահմաններում, Վանաձորի բնակիչ, 1996 թ. ծնված Ազատ Շ.-ն մուրճով հարվածել և վնասել է արագաչափ սարքի օբյեկտիվի և լուսարձակի պաշտպանիչ ապակիները:

Այս մասին հայտնում են ՀՀ ոստիկանությունից և տեղեկացնում, որ կատարվում է քննություն: