Եղանակն՝ այսօր
Գիտնականները գտել են ընտանի կենդանիների նմանության կապը
Գիտնականները գտել են ընտանի կենդանիների տարբեր հատկանիշների՝ հնազանդության, փափուկ ականջների, մաշկի վրայի սպիտակ պուտերի, առավել «մանկական» դիմագծերի, փոքրիկ ծնոտների միմյանց նմանության միջև կապը: Այս մասին հաղորդում է Genetics-ը:
«Ընտելացում սինդրոմի» կենսաբանական արմատները գտնվում են նյարդային համակարգում՝ էմբրիոն ցողունային բջիջների խմբերից մեկում:
Գիտական աշխարհում վարազների և գայլերի տարբերությունը շներից և խոզերից գրավել է նույնիսկ Չարլզ Դարվինի ուշադրությունը: Նա նկատել է, որ բացի «ընտելացման» բնավորությունից ընտանի կենդանիները առանձնանում են միմյանց հետ բացարձակապես կապ չունեցող անատոմիական առանձնահատկություններով:
Սակայն գիտնականները միայն հիմա են այդ բիոլոգիական առանձնահատկությունների պատճառի մասին խելամիտ վարկած առաջարկել:
Նյարդային բջիջները ձևավորվում են ողնուղեղի էմբրիոնային ողերի հատվածում: Սաղմի աճի հետ կապված նրանք «գաղթում են» մարմնի տարբեր հատվածներ, որտեղ դրանցից բազմաթիվ հյուսվածքներ՝ այդ թվում նաև մաշկի վրա, ականջների, ատամների և ծնոտի հատվածում պիգմենտներ են մշակվում: Սակայն ամենակարևորը վերերիկամային խցուկներն են:
Studio One