$396.000. Pal-V One թռչող մոտոցիկլետը հանվել է վաճառքի (լուսանկարներ)

Աշխարհում առաջին թռչող մոտոցիկլետը՝ Pal-V One-ը, որն առավելագույնը զարգացնում է 180 կմ/ժ արագություն, 396.000 դոլարով հանվել է վաճառքի։

Ինչպես նշում է The Daily Mail-ը, ուշագրավ փոխադրամիջոցն իրենից ներկայացնում է ուղղաթիռի ու մոտոցիկլետի հիբրիդ, որը ցամաքի վրա 100 կմ/ժ արագություն է զարգացնում 8 վայրկյանում։


Աղբյուրը նկատում է, որ հոլանդական արտադրության Pal-V One-ը հիանալի լուծում է քաղաքային գերծանրաբեռնված ճանապարհներին խցանումներից խուսափելու համար։


Նշվում է, որ դրա առաջին թռիչքն իրականցվել է 2 տարի առաջ։ Սակայն այն գնելու համար միայն վարորդական իրավունքը բավական չէ. անհրաժեշտ է նաև օդաչուի արտոնագիր։

Ինչ վերաբերում է երկտեղանի Pal-V One-ի տեխնիկական բնութագրին, ապա այն համալրված է 230 ձիաուժ հզորությամբ, քառագլան բենզինային շարժիչով։ Այն պատրաստված է տիտանից, ալյումինից, ածխածնային մանրաթելից և կշռում է 680 կգ։