«Սելֆի»՝ հացի վրա. նոր տոստերը ցանկացած մարդու դեմք կարող է վերարտադրել հացի վրա

11:58 • 16.07.14

Նորարարական տոստերների արտադրությամբ զբաղվող Vermont Novelty Toaster Corporation ընկերությունը ստեղծել է նոր սարք, որը հատկապես դուր կգա «սելֆիների» (ինքնանկար) սիրահարներին։

 

Ինչպես նշում է The Daily Mail-ը, տոստերը հնարավորություն է տալիս հացի կտորի վրա վերարտադրել ցանկացած մարդու դիմանկար։

 

Ամերիկյան ընկերության նախագահ Գալեն Դիվլին Reuters-ի հետ զրույցում նշել է, որ աշխարհում նմանատիպ այլ սարք գոյություն չունի։ Նա նաև հավելել է, որ սպառողների հետաքրքրությունն իրենց նորույթի նկատմամբ շատ մեծ է։