Ղազախստանցու դեմ գործ են հարուցել՝ աղբատար մեքենան դրոշով ծածկելու համար
Ղազախստանում վարչական գործ են հարուցել բեռնատարի վարորդի դեմ, ով պետական դրոշի կտորով ծածկել է տեղափոխվաղ աղբը, հայտնում է Ալմաթիի ներքին գործերի վարչությունը, գրում է lenta.ru-ն՝ հղում անելով newkaz.ru-ին:
Գործը հարուցվել է պետական դրոշի օգտագործման կանոնները խախտելու հոդվածով: Դեպքի մասին իրավապահ մարմինները տեղեկացել են, երբ համացանցում սկսել են շրջանառվել բեռնատարի լուսանկարները:
Ոստիկանները պարզել են վարորդի ինքնությունը՝ Եսենբեկով Ա.Ժ.՝ ծնված 1988 թ.-ին: Նա պարզաբանել է, որ շինարարական աղբ է հեռացրել և որոշել է բեռնատարը մոտակայքում գտնված դրոշով ծածկել: Գործը շուտով փոխանցվելու է դատարան:










