Իրանի հատուկ ծառայությունները տասնյակ ադրբեջանցիների են ձերբակալել
Իրանի անվտանգության և տեղեկատվության կազմակերպությունը (ETTELAAT) տասնյակ ադրբեջանցիների է ձերբակալել, որոնք փորձել են խաղաղ երթ անցկացնել դեպի Սավալան լեռը, տեղեկացնում է haqqin.az-ը՝ իրանական լրատվամիջոցներին հղումով:
Ձերբակալվածների թվում հայտնի ադրբեջանցի ակտիվիստներ են՝ Հասան Ջոլանի, Ջաֆար Ռուսթամի, Հաբիբ Նագահբան, Ֆարհադ Ասլանի, Սաիդ Հոսեյնի և այլք:
Նրանց մեղադրանք է ներկայացվել իսլամական ռեժիմի դեմ անօրինական գործողություններ իրականացնելու համար:
Սալավան լեռն Իրանի ադրբեջանցիների խորհրդանիշն է՝ իրենց անկախությանը հասնելու համար: Ամեն տարի ադրբեջանցիներն այս լեռան մոտ հանրահավաք են կազմակերպում՝ ազգային ազատություններ պահանջելով:










