Իրաքի կառավարությունը հայտարարել է Տիկրիտն ազատագրելու գործողության մեկնարկի մասին

17:32 • 19.08.14

Իրաքի բանակն անցել է հակահարձակման Տիկրիտ քաղաքի ուղղությամբ, հայտնում է BBC-ի ռուսական ծառայությունը:

 

Իրաքի կառավարությունը հայտարարել է «Իսլամական պետություն» իսլամիստական խմբավորումից Տիկրիտը՝ Սադամ Հուսեյնի ծննդավայրն ազատագրելու գործողության մեկնարկի մասին:

 

Ըստ զինվորականների՝ զորքերը շարժվել են երկու ուղղություններով, իսլամիստների դեմ ականանետներ և հրետանի է կիրառվելու:

 

Երկուշաբթի իրաքյան և քրդական զինված ուժերն իսլամիստների ձեռքից առել էին Իրաքի ամենախոշոր ամբարտակը, որը Մոսուլում է: Վերջինս, ինչպես և Իրաքի հյուսիսային հատվածները, իսլամիստների վերահսկողության տակ են: