Կոլումբիայում ձերբակալվել է 26 քաղաքական գործիչ՝ ահաբեկչի հետ կապեր ունենալու համար

10:02 • 28.08.14

Կոլումբիայում ձերբակալվել է 27 մարդ, որոնցից 26-ը՝ քաղաքական գործիչներ, ովքեր կասկածվում են «Ինքնապաշտպանության միավորված ուժեր» ռազմականացված խմբավորման նախկին առաջնորդի հետ կապեր ունենալու համար, հայտնում է gazeta.ru-ն:

 

Ձերբակալություններն իրականացվել են Մեդելյին, Մոնտերիա, ինչպես նաև մի շարք այլ քաղաքներում անցկացված գործողությունների ընթացքում: Իշխանությունների տեղեկություններով՝ նախատեսվում է ձերբակալել մոտ 50 մարդու:

 

Աղբյուրի համաձայն՝ ձերբակալվածների թվում են նախկին քաղաքապետներ, խորհրդի նախկին անդամներ, քաղաքական առաջնորդներ, հասարակական գործիչներ և պաշտոնատար անձինք: