Ուկրաինայում պաշտոնապես մեկնարկել է նախընտրական քարոզարշավը
Ուկրաինայում այսօր պաշտոնապես մեկնարկել է Գերագույն ռադայի արտահերթ ընտրությունների քարոզարշավը, հայտնում է Deutsche Welle-ն։
Ուկրաինայի նախագահ Պյոտր Պորոշենկոն նախօրեին Գերագույն ռադայի լիազորությունների վաղաժամ դադարեցման և հոկտեմբերի 26-ին արտահերթ խորհրդարանական ընտրությունների անցկացման մասին հրամանագիր է ստորագրել:
Ուկրաինայի իշխանությունները հայտարարել են ամբողջ երկրի տարածքում ընտրություններ անցկացնելու մտադրության մասին, այդ թվում՝ Դոնեցկի և Լուգանսկի շրջաններում, որտեղ այժմ թեժ մարտեր են ընթանում ուկրաինացի ուժայինների և ռուսամետ անջատողականների միջև։ Դոնեցկի և Լուգանսկի ինքնահռչակ հանրապետությունների առաջնորդներն արդեն հայտարարել են, որ թույլ չեն տա ընտրություններ անցկացնել իրենց ենթակա տարածքներում։










