Նոր սարքը կհայտնաբերի արյան մեջ առկա` քաղցկեղի ամենափոքր բջիջներն անգամ (տեսանյութ)

Գիտնականներն սեղծել են մի սարք, որն ընդունակ է թեսթավորել քաղցկեղով հիվանդ մարդկանց արյունը: Այս մասին հաղորդում է Meddaily.ru-ն՝ հղում կատարելով Medical News Today-ին:

Այդ գործընթացն առավել արդյունավետ է այն պարագայում, երբ անհրաժեշտություն է առաջանում ախտորոշել մետաստազների ձևավորման առկայությունը:

Սարքի մեծությունը չի գերազանցում մետաղադրամի չափսերը: Այն դասակարգում է քաղցկեղի բջիջները ձայնային ալիքների միջոցով, իսկ թեսթավորման ողջ գործընթացն իրականացվում է հնարավորինս նուրբ` չվնասելով բջիջները:

Գիտնականները, ի տարբերություն նախկինում անցկացված թեսթավորման, այս անգամ արդեն անուղղակի ձայնային ալիքներ են կիրառում:

Փորձարկումների արդյունքում սարքի տեսադաշտում են հայտնվել 71% քաղցկեղի բջիջներ, իսկ մոտ ժամանակներս գիտանկանները սարքը կօգտագործեն կլինիկական պայմաններում: