Ամերիկացի սենատորները կոչ են արել ԱՄՆ-ին զինել Ուկրաինան
Ամերիկացի երկու առաջատար սենատորներ կոչ են արել ԱՄՆ-ին սպառազինություն տրամադրել Ուկրաինային՝ Դոնբասում ռուսական զորքի դեմ պայքարի համար, գրում է segodnya.ua-ն։
«Ուկրաինային զենք է անհրաժեշտ»,- հայտարարել է Սենատի միջազգային հարաբերությունների հանձնաժողովի նախագահ, դեմոկրատ Ռոբերտ Մենենդեսը։
Նա CNN հեռուստաալիքի եթերում Կիևից հայտարարել է, որ Վաշինգտոնը պետք է Ուկրաինային պաշտպանական սպառազինություն տրամադրի, որն «այդ ներխուժումը ՌԴ նախագահ Վլադիմիր Պուտինի համար չափազանց թանկ կդարձնի»։
Միևնույն ժամանակ հանրապետական սենատոր Ջոն ՄքՔեյնը հռետորական հարց է հղել՝ «Մի՞թե մենք չենք կարող օգնել ուկրաինացիներին պաշտպանել իրենց։ Սա արդեն զորքի սահմանափակ մուտք չէ, սա ներխուժում է»։
Նշվում է, որ ԱՄՆ նախագահ Բարաք Օբամայի վարչակազմը և նախագահն անձամբ Ուկրաինայում Ռուսաստանի գործողությունների մասին չեն օգտագործել «ներխուժում» (invasion - լայնամասշտաբ ներխուժում) բառը:










