Բոլոր հարթություններում պաշտպանելու եմ եղբայրական Ադրբեջանի շահերը. Թուրքիայի՝ Եվրոպայի հարցերով նոր նախարար
Եվրոպայի հարցերով Թուրքիայի նորանշանակ նախարար Վոլքան Բոզքըրն ադրբեջանական ԱՊԱ լրատվական գործակալության հետ զրույցում ասել է, որ բոլոր հարթություններում պաշտպանելու է «եղբայրական Ադրբեջանի» շահերը:
Սա հնչել է ի պատասխան լրագրողի այն հարցի՝ արդյո՞ք ԵՄ-ն կշարունակի ճնշումներ գործադրել Թուրքիայի վրա՝ Հայաստանի հետ սահմանի բացման հարցով: Բոզքըրն ադրբեջանցի լրագրողին խորհուրդ է տվել չմոռանալ, որ այժմ նախարարի աթոռին նրանց «եղբայրն» է՝ նկատի ունենալով իրեն:
Նա խոստացել է Հայաստանի քաղաքականությունը «նրա իսկ դեմ ճնշման գործիքի վերածել»: Նա խոստացել է նաև, որ Թուրքիան ինքը կդառնա ճնշումներ գործադրող երկիր:
Մինչ այդ պաշտոնաթող դեսպան Բոզքըրը Թուրքիան ներկայացնում էր ԵՄ-ում:










