Ինքնահռչակ Դոնեցկի Հանրապետությունը հայտնել է ուկրաինական կողմին 330 գերեվարված զինվոր փոխանցելու մասին
Ինքնահռչակ Դոնեցկի Ժողովրդական Հանրապետության աշխարհազորայինների շտաբից հայտնել են, որ Կիևի իշխանություններին են փոխանցել 330 գերեվարված զինվոր, 72 վիրավոր, ինչպես նաև 35 մահացածի մարմին, հաղորդում է korrespondent.net-ը:
Բացի այդ, ինչպես ասվում է տարածված հաղորդագրությունում, շարունակվում են մարտերը Լուգանսկի օդանավակայանի մոտակայքում, «գերի է վերցվել 13 զինծառայող»:
Ավելի վաղ շտաբից հայտնել էին, որ օգոստոսի 31-ի գիշերը պահպանել են կրակի դադարեցման ռեժիմը և փոխանակման դիմաց փոխանցել 223 ուկրաինացի զինվորականի:










