Թուրքիայում տասնյակ ոստիկաններ են ձերբակալվել՝ «իշխանությունը տապալելու մտադրության» մեղադրանքով

11:15 • 01.09.14

Թուրքիայում տասնյակ ոստիկաններ են ձերբակալվել, հայտնում է Reuters-ը՝ վկայակոչելով տեղական ԶԼՄ-ներին:

 

Մասնավորապես, երկրում ոստիկանների շարքերում ձերբակալությունների նոր ալիքի ֆոնին տրվել է 33 ոստիկանի ձերբակալման հրաման: Նրանց թվում է նաև ոստիկանության ֆինանսական բաժնի նախկին պետը:

 

Նրանք մեղադրվում են «իշխանությունը տապալելու մտադրության համար»:

 

Հուլիսից ի վեր կալանավորված են տասնյակ այլ ոստիկաններ, որոնց մեղադրում են նախկին վարչապետ, այժմ նախագահ Ռեջեփ Թայիփ Էրդողանի հեռախոսը գաղտնալսելու, նրա դեմ դավեր նյութելու համար:

 

Նկատվում է, որ վերջին ձերբակալությունները տեղի են ունենում Ահմեթ Դավութօղլուի՝ վարչապետի պաշտոնը ստանձնելու ֆոնին: