Սլովակիան սկսել է ռևերսային ռեժիմով գազ մատակարարել Ուկրաինա

16:17 • 02.09.14

Սեպտեմբերի 2-ին սկսվել է ռևերսային ռեժիմով Վոյանի-Ուժգորոդ վերակառուցված գազամուղով Սլովակիայից Ուկրաինա գազի կոմերցիոն մատակարարումը:

 

Մատակարարվող գազի նախատեսված ծավալն օրական 27 միլիոն խորանարդ մետր է: Այդ մասին ria.ru-ին հայտնել է Սլովակիայի գազատրանսպորտային համակարգի օպերատոր Eustream ընկերության ներկայացուցիչ Վահրամ Չուգուրյանը:

 

2015 թվականի մարտի 1-ից գազամուղը պետք է աշխատի նորմալ աշխատանքային ռեժիմով, ասել է Չուգուրյանը:

 

Սլովակիայից Ուկրաինա գազի կոմերցիոն մատակարարման մեկնարկին Սլովակիայի սահմանային Վելկե Կապուշանի կայանում մասնակցել են երկրի վարչապետ Ռոբերտ Ֆիցոն, Ուկրաինայի վարչապետ Արսենի Յացենյուկը և Եվրահանձնաժողովի էներգետիկ դեպարտամենտի ներկայացուցիչ Կլաուս-Դիտեր Բորխարդը:

 

Ուկրաինական ԶԼՄ-ների տվյալներով՝ ռևերսային մատակարարումներով գազի արժեքը կազմելու է մոտ 360 դոլար մեկ խորանարդ մետրի համար:

 

Ավելի վաղ Ուկրաինայի «Нафтогаз»-ի ղեկավար Անդրեյ Կոբոլյովը հայտարարել էր, որ Վոյանի-Ուժգորոդ գազամուղով մատակարարումները կարող են ապահովել Ուկրաինայի պահանջարկի մինչև 40 տոկոսը: