Բրիտանիայում քննում են Բուքինգհեմյան պալատի պահակախմբի անդամի «չարաճճիությունը» (տեսանյութ)

15:19 • 03.09.14

Մեծ Բրիտանիայի պաշտպանության նախարարությունից հայտնել են, որ քննում են Էլիզաբեթ 2-րդ թագուհու լոնդոնյան նստավայրի պահակախմբի անդամի գործը, գրում է The Independent-ը:

 

Անցած ամիս YouTube-ում տեղադրվել էր տեսանյութ, որտեղ երևում է, թե ինչպես է պահակախմբի անդամը Բուքինգհեմյան պալատի առաջ քայլելիս պտույտներ անում, տարբեր հնարքներ գործում:

 

Պաշտպանության նախարարության խոսնակն ասել է, որ «ցանկացած մեկը, ով չի հետևի բանակի բարձր չափանիշներին, կենթարկվի համապատասխան արձագանքի»:

 

Տեսանյութը հրապարակվել էր օգոստոսի 20-ին, երբ թագուհին գտնվելիս է եղել Շոտլանդիայում՝ Բալմորալի նստավայրում:

 

YouTube-ում տեսանյութը դիտողները երկու տարբեր կարծիքների են բաժանվել պահակի գործողությունների վերաբերյալ: Բանակի որոշ նախկին անդամներ վրդովված են եղել նրա պահվածքով, մինչդեռ շատերը դա ավելի զվարճալի լույսի ներքո են դիտել: