Նյու Յորքի Մետրոպոլիտեն թանգարանը նոր հավելված է ներկայացրել Apple-ի համար (տեսանյութ)

Նյու Յորքի Մետրոպոլիտեն թանգարանը ներկայացրել է նոր The Met հավելվածը, որն այսօր արդեն կարելի է անվճար ներբեռնել App Store-ից, գրում է buro247.ru-ն։

Հավելվածի օգնությամբ գեղարվեստի սիրահարները կկարողանան վայելել թանգարանի մշտական ցուցադրությունները, որոնք ներառում են Վան Դեյքի, Վերմերի, Ռենուարի, Պիկասոյի և այլ հայտնի նկարիչների աշխատանքներ։

Բացի այդ, հավելվածը տեղեկություններ է տրամադրում նոր ցուցադրությունների, ընտանեկան և մանկական ծրագրերի և այլ միջոցառումների մասին։

The Met հավելվածն այլընտրանքային միջոց է տոմսեր գնելու համար, այն թույլ է տալիս նաև կատարել նվիրատվություններ։

Աշխարհում այցելությունների թվով 3-րդ թանգարանը գոյատևում է հովանավորների և բարեգործների միջոցներով։

Android օպերացիոն համակարգի հիման վրա գործող սարքավորումներից օգտվողները ստիպված են մի փոքր սպասել. նրանց համար հավելվածը թանգարանը խոստանում է թողարկել 2015-ին։