Առօրյայում օգտագործվող 10 մթերք, որոնք կարող են նպաստել քաղցկեղի առաջացմանը

Քչերն են ուշադրություն դարձնում ամենօրյա սննդակարգին և հատկապես՝ առօրյա օգտագործման սննդամթերքում կանցերոգենի պարունակությանը, սակայն քաղցկեղով հիվանդանալու 1.5 մլն դեպքը` գրանցված նախորդ տարվա ընթացքում, ստիպում է առավել մեծ ուշադրություն դարձնել այն սննդին, որը մենք ընդունում ենք ամեն օր, և որը կարող է հանգեցնել այս կամ այն տիպի քաղցկեղի առաջացմանը: Այս մասին գրում է naturalon.com կայքը` ներկայացնելով 10 մթերք, որոնք կարող են կանցերոգեն նյութ պարունակել:

1. Միկրոալիքային վառարանում պատրաստված ադի բուդի

Նախ՝ այն վտանգավոր է այն պատճառով, որ վառարան է դրվում հատուկ տոպրակներով, որոնց քիմիական բաղադրության մեջ առկա է պերֆտորոկապրիլային թթու: Այս տոքսիկ նյութն առկա է նաև սովորական տոպրակներում: Հետազոտության արդյունքում պարզվել է, որ այն անպտղություն և քաղցկեղ է առաջացնում: Այս քիմիական նյութը հայտնի է որպես կանցերոգեն: Ինչ վերաբերում է եգիպտացորենին, այն դիացետիլ քիմիական նյութ է պարունակում:

2. Ոչ օրգանական միրգ

Ոչ օրգանական մրգերը հագեցած են որոշ շատ վտանգավոր պեստիցիդներով, ինչպիսիք են տիոդիկարբ և ատրազին քիմիկատները, ինչպես նաև՝ բարձր ազոտային պարարտանյութերը:

3. Պահածոյացված լոլիկ

Իրականում ցանկացած պահածոյացված ուտելիք վտանգավոր է` հաշվի առնելով այն, թե ինչպես են դրանք փակվում: Կափարիչը փակելու համար հաճախ օգտագործում են բիսֆենոլ A քիմիկատը: Լոլիկի պահածոն առավել վտանգավոր է դր թթվության պատճառով, որն ստիպում է կափարիչի մոտ առկա քիմիկատներին ներթափանցել լոլիկի մեջ:

4. Վերամշակված մսամթերք

Այս շարքին են պատկանում նրբերշիկը, բեկոնը և այլն: Դրանք մի շարք քիմիկատներ են պարունակում, օրինակ՝ նատրիումի նիտրատները, որոնք հայտնի կանցերոգեններ են:

5. Կարտոֆիլի չիպսերը

Կարտոֆիլի չիպսերը բարձր քանակությամբ ճարպ և կալորիաներ են պարունակում: Դրանք նաև արհեստական անուշաբույր և գույն հաղորդող նյութեր են պարունակում, ինչպես նաև՝ ակրիլամիդ անունով հայտնի կանցերոգեն նյութը, որն առկա է նաև ծխախոտում:

6. Հիդրոգենացված յուղեր

Հիդրոգենացված յուղերն ստացվում են բանջարեղենից, ինչը նշանակում է, որ այն բնական չէ: Դրանք ստանալու համար քիմիական գունանյութեր են օգտագործվում:

7. Բարձր վերամշակված սպիտակ ալյուր

Վերամշակված ձավարեղենը կորցնում է օգտակարությունը, իսկ ալյուրը սպիտակեցնելու համար տարբեր քիմիական նյութեր են կիրառում, ինչպիսին գազային քլորն է:

8. Գենետիկորեն ձևափոխված մթերք

Սրանք այնպիսի մթերքներ են, որոնք արհեստականորեն աճեցվում են քիմիկատների միջոցով:

9. Ռաֆինացված շաքար

Ռաֆինացված շաքարը ո'չ միայն բարձրացնում է արյան մեջ շաքարի մակարդակը, այլև` ամենահաճելի սնունդն է քաղցկեղի բջիջների համար, որը նպաստում է դրանց աճին:

10. Ալկոհոլ

Ամերիկյան հետազոտությունը, որի ընթացքում 14 տարվա կտրվածքով ուսումնասիրվել է 200 000 կնոջ կենսակերպը, պարզել է, որ այն կանայք, ովքեր օրական որևէ խմիչք են օգտագործում, նրանց մոտ 30 տոկոսով ավելի մեծ է կրծքի քաղցկի առաջացման վտանգը: