Աշխարհի ամենաթանկ գաջեթներն ու նրանց աքսեսուարները (լուսանկարներ)

Vertu հետախոս` 20.000 դոլար արժողությամբ, 1 մլն դոլար արժողությամբ նոութբուք, 5 մլն դոլար արժողությամբ iPad 2. որոշ ընկերություններ պատրաստ են ամեն ինչ անել` աչքի ընկնող ապրանք ստեղծելու համար: РБК.ru-ն ներկայացնում է աշխարհի ամենաթանկ գաջեթներն ու նրանց աքսեսուարները:

AeroSystem One iPhone Dock/Speaker

1. Ֆրանսիական Ժան Միշել Ժար ընկերությունը վստահ է, որ կգտնվեն iPhone-ի ձայնային համակարգի համար 1115 դոլար վճարող հաճախորդներ:

Optimus Maxiumus

2. Արտեմի Լեբեդևի ստուդիան գտնում է, որ կարելի է 1500 դոլար վճարել համակարգչային ստեղնաշարի համար:

Panasonic 4K Toughpad

3. Եթե որևէ մեկը կարծում է, որ iPad-ը թանկ հաճույք է, ապա դա նշանակում է, որ նա դեռևս տեղյակ չէ 6000 դոլար արժողությամբ Panasonic 4K Toughpad Tablet-ի մասին:

Ego Lifestyle Emerald PC

4. Ego Lifestyle Emerald PC նութբուքը 11.000 դոլար կարժենա:

Vertu Signature Touch

5. Անգլիայում հավաքվող հետաքրքիր դիզայն ունեցող Vertu հետախոսը մոտ 20.000 դոլար արժի:

The Luvalgio Laptop

6. Երկու տարի առաջ Luvalgio ընկերությունն ստեղծեց 1 մլն դոլար արժողությամբ նոութբուք, որի մասին որևէ բաց տեղեկատվություն չկա:

Stuart Hughes iPad 2 Gold History Edition

7. Դիզայներ Ստյուարտ Հյուզը Apple-ի iPad 2-ը զարդարել է 12.5 կարատանոց ադամանդներով և վերաձևավորել վերջինիս դիզայնը, սակայն դա չէ, որ պլանշետի գինը հասցրել է 5 մլն դոլարի. խնդիրն այն է, որ նրա առջևի շրջանակը ստեղծված է աշխարհի ամենահին հանքանյութից՝ ամոլիտից, որը շուրջ 75 մլն տարեկան է և որի վրա հայտնաբերվել են տիրանոզավրի ոսկորներ:

The Stuart Hughes Black Diamond iPhone 5

8. Հյուզն այսքանով չի բավարարվել. նա ստեղծել է նաև iPhone-ի հետևի կորպուսը, որը 9 շաբաթ շարունակ հավաքել է ձեռքով` ոսկուց` զարդարված սև ադամանդներով: iPhone-ն արժե 10 մլն դոլար: