Օգտատերերը «Яндекс. Почты»-ի ավելի քան 1 մլն գաղտնաբառերով բազա են հայտնաբերել

Համացանցի օգտատերերը ֆորումներից մեկում «Яндекс»-ի փոստային հասցեների ավելի քան 1 մլն գաղտնաբառ են հայտնաբերել: Այդ մասին հայտնել է «Хабрахабр» համայնքի օգտատերը, գրում է «Ведомости»-ն:

Նա նշել է, որ խոսքը քաջ հայտնի ռեսուրսի մասին է: Bitcoin Security ֆորումի օգտատերերը հայտնում են, որ բազայում կա 1 261 809 գաղտնաբառ:

Հաղորդագրության հեղինակը ցուցակում հայտնաբերել է նաև «Яндекс» ծառայությունում սեփական գաղտնաբառը:

Հրապարակված ցանկում իրենց հասցեներն ու գաղտնաբառերը հայտնաբերել են նաև Bitcoin Secuirity-ի մի քանի օգտատերեր:

«Ведомости»-ի թղթակիցը չի գտել իր տվյալները ցանկում, սակայն գտել է իր ընտանիքի անդամներից մեկի փոստային հասցեի գաղտնաբառը:

«Яндекс»-ի ներկայացուցիչը նշել է, որ խոսքը ծառայությունը կոտրելու կամ արտահոսքի մասին չէ. գաղտնաբառերը կարող էին գողացվել վիրուսների միջոցով հենց օգտատերերից: