Թուրքիան եվրոպական զենիթահրթիռային համալիրների գնման շուրջ բանակցություններ է սկսել (լուսանկարներ)
Թուրքիայի կառավարությունը Eurosam եվրոպական կոնսորցիումի հետ բանակցություններ է սկսել SAMP/T Aster 30 զենիթահրթիռային համալիրների արտադրության և մատակարարման շուրջ։ Այս մասին հայտնել է Թուրքիայի նախագահ Ռեջեփ Թայիփ Էրդողանը, գրում է lenta.ru-ն՝ Defence News-ին հղումով:
Թուրքիայի նախագահը նշել է, որ նախքան այս երկիրը բանակցություններ է վարել CPMIEC չինական ընկերության հետ՝ HQ-9 համակարգերի հարցով, սակայն չի կարողացել պայմանավորվել մատակարարման պայմանների շուրջ։
Էրդողանն ընդգծել է, որ ֆրանս-իտալական Eurosam կոնսորցիումը նոր պայմաններ է առաջարկել, որոնք հետաքրքրել են զինվորականներին։ Մանրամասներ չեն նշվում, միայն հայտնի է, որ գործարքի կնքման պարտադիր պայմաններից է Թուրքիայի տարածքում զենիթահրթիռային համալիրների համատեղ արտադրության բացումը։
















