Աշոտյանը Բրյուսելում առաջարկել է կրթության նախարարների ԵԺԿ նախարարական հանդիպում անցկացնել Երևանում

15:40 • 12.09.14

Բրյուսելում գտնվող ՀՀ կրթության և գիտության նախարար Արմեն Աշոտյանը Երևանում 2015 թվականին տեղի ունենալիք նախարարական գագաթնաժողովից առաջ եվրոպացի գործընկերներին առաջարկել է կազմակերպել կրթության նախարարների ԵԺԿ նախարարական հանդիպում Երևանում:


Այս մասին Արմեն Աշոտյանը տեղեկացրել է Facebook-յան գրառման մեջ, որը ներկայացնում ենք ամբողջությամբ:


«Ինչպես գիտեք, գտնվում եմ Բրյուսելում, որտեղ ունեցել եմ մի շարք հանդիպումներ և քննարկումներ` նվիրված ինչպես կրթական, այնպես էլ քաղաքական խնդիրներին:


Հակիրճ ներկայացնեմ հիմնական արդյունքները.


Տեղեկատվության հաղորդեցի մեր եվրոպացի գործընկերներին Երևանում 2015 թվականին տեղի ունենալիք նախարարական գագաթնաժողովի վերաբերյալ :


Առաջարկել եմ այդ միջոցառման նախօրեին կազմակերպել կրթության նախարարների ԵԺԿ Նախարարական հանդիպում (EPP Ministerial meeting) Երևանում:


Խոսել եմ Արևելյան գործընկերության շրջանակներում ԵՄ-Հայաստան առավել նպատակային փոխգործակցության զարգացման մասին երկկողմանի հետաքրքրություն ներկայացնող հարցերի շուրջ: