«Իսլամական պետության» անդամների թիվը տատանվում է 20.000-ից 31.500-ի միջև. ԱՄՆ Կենտրոնական հետախուզական գործակալություն
ԱՄՆ-ի Կենտրոնական հետախուզական գործակալության համաձայն՝ Իրաքում և Սիրիայում գործող «Իսլամական պետություն» ահաբեկչական խմբավորման անդամների թիվը տատանվում է 20.000-ից 31.500-ի միջև, գրում է Daily Mail-ը: Նախկինում նրանք գտնում էին, որ խմբավորման անդամների թիվը հասնում է 10.000-ի:
Բացի այդ, նախկինում ԿՀԳ-ն կանխատեսում էր, որ ԱՄՆ-ից ժամանած ահաբեկիչների թիվը 1.000 է, սակայն իրականում նրանք 2.000-ն են: Նշվում է, որ Արևմուտքից և ամբողջ աշխարհի մոտ 80 երկրներից ժամանած ահաբեկիչների թիվը 15.000 է:
ԿՀԳ-ի մամուլի խոսնակ Թոդ Իբիցը նշել է, որ այդ տվյալները կարևոր նշանակություն ունեն հակառակորդի ուժի և կարողությունների գնահատման հարցում:
Նշենք, որ խմբավորումն Իրաքում զգալի տարածքներ է գրավել:














