«Սելֆի» անող գլխարկ՝ Լեդի Գագայի դիզայներից (լուսանկարներ)
Քրիստիան Քոուեն - Սանլուիսը՝ 20-ամյա դիզայներ, ով հագուստներ է ստեղծել երգչուհիներ Լեդի Գագայի ու Ռիտա Օրայի համար, արտասովոր սոմբրերո գլխարկ է ներկայացրել:
Daily Mail-ը հայտնում է, որ այդ գլխարկը «սելֆի» (ինքնալուսանկար) անող գլխարկ է՝ իր տեսակի մեջ եզակի: Դրան կցված է Acer-ի պլանշետ, որը 360 աստիճան պտտվում է:
Աղբյուրը հույս է հայտնում, որ այս նորույթի միջոցով «սելֆիների» ձեռքը տառապողները կկարողանան գտնել իրենց լավագույն ռակուրսները: Ի դեպ, այս նույն գլխարկի նախատիպը կրել է նաև Լեդի Գագան:
Նորույթը, նկատում է աղբյուրը, ներկայացվել է Լոնդոնի Նորաձևության շաբաթի նախօրեին՝ մի շրջանում, երբ բոլոր «թիթիզները» փորձում են գերազանցել մեկը մյուսին:















