Ուկրաինայում հրադադարի հաստատումը հնարավոր է դարձել Ռուսաստանի դեմ պատժամիջոցների արդյունքում. ԱՄՆ

09:49 • 13.09.14

Ուկրաինայում հրադադարի հաստատումը հնարավոր է դարձել Ռուսաստանի դեմ սահմանված պատժամիջոցների արդյունքում, ինչպես նաև նոր հակառուսական միջոցներ կիրառելու մասին նախազգուշացումներից հետո, հայտարարել է Սպիտակ տանը կից Ազգային անվտանգության խորհրդի պաշտոնական ներկայացուցիչ Քեյթլին Հեյդենը, գրում է «Взгляд»-ը:

 

«Գլխավոր պատճառներից մեկը, որի շնորհիվ մենք տվյալ պահին գտնվում ենք հրադադարի վիճակում,  պատժամիջոցների ազդեցությունն է՝ ինչպես արդեն սահմանված, այնպես էլ գալիք պատժամիջոցների սպառնալիքի, որոնք իրապես ազդում են ռուսական տնտեսության վրա»,- կարծում է նա:

 

Հիշեցնենք, որ ուրբաթ ԱՄՆ-ն պատժամիջոցներ է սահմանել խոշոր ռուսական ընկերությունների դեմ, այդ թվում՝ «Газпром»-ի, «Лукойл»-ի, «Сбербанк»-ի, «ВТБ»-ի: