ՄԱԿ-ի` Խոշտանգումների կանխարգելման ենթահանձնաժողովը դադարեցրել է այցն Ադրբեջան` հանդիպելով խոչընդոտների
ՄԱԿ-ի` Խոշտանգումների կանխարգելման ենթահանձնաժողովը որոշել է կասեցնել այցն Ադրբեջան` խոչընդոտների հանդիպելով իր լիազորությունները կատարելիս` Խոշտանգումների և այլ դաժանությունների դեմ կոնվենցիայի լրացուցիչ արձանագրության համապատասխան, որին միացել է Ադրբեջանը: Այս մասին հաղորդվում է ՄԱԿ-ի մարդու իրավունքների կառույցի կայքէջում:
Պատվիրակությունը կասեցրել է այցը մի շարք վայրեր, որտեղ մարդիկ ձերբակալված են, քանի որ խոչընդոտում են նրանց աշխատանքը`չնայած Ադրբեջանի իշխանությունների հավաստիացումներին` ապահովել հասանելիությունը ազատազրկման ցանկացած վայր:
Ադրբեջանի պարտավորությունների մի շարք լուրջ խախտումների արդյունքում պատվիրակությունը եզրակացրել է, որ իր այցի ամբողջականությունը, որը նախատեսված էր իրականացնել սեպտեմբերի 8-17-ը, աղավաղվել է այն աստիճանի, որ այն պետք է դադարեցվի:
Պատվիրակության անդամներն աշխատանքը դադարեցրել են սեպտեմբերի 14-ին, սակայն որոշ անդամներ մնացել են Ադրբեջանում՝ հետագա երկխոսություն փնտրելու իշխանությունների հետ:










