Օբաման շոտլանդացիներին կոչ է արել պահպանել Բրիտանիայի միասնականությունը

14:37 • 18.09.14

ԱՄՆ-ի նախագահ Բարաք Օբաման շոտլանդացիներին կոչ է արել պահպանել Մեծ Բրիտանիայի միասնականությունը, հայտնում է «Ինտերֆաքս» գործակալությունը:

 

Նա նշել է, որ Մեծ Բրիտանիան չափազանց կարևոր գործընկեր է ԱՄՆ-ի համար, իսկ անկայուն աշխարհում՝ ի շահ բարու գործող ուժ:

 

Օբաման հույս է հայտնել, որ Բրիտանիան կմնա միասնական, ուժեղ և կայուն:

 

Այսօր առավոտյան Շոտլանդիայում սկսվել է անկախության հանրաքվեն, որի դրական արդյունքի դեպքում այդ երկիրը երեք հարյուր տարվա բրիտանական տիրապետությունից կազատվի արդեն 2016-ի գարնանը: