Բրիտանիայի թագուհին մեկնաբանել է Շոտլանդիայի հանրաքվեի արդյունքները

11:10 • 20.09.14

Մեծ Բրիտանիան Շոտլանդիայի բնակիչների կարծիքին հարգանքով կվերաբերվի, որոնք կողմ են արտահայտվել թագավորության կազմում այդ շրջանի մնալուն, այս մասին ասվում է Մեծ Բրիտանիայի թագուհի Էլիզաբեթ 2-րդի պաշտոնական հայտարարության մեջ, գրում է interfax.ru-ն:

 

«Ամիսներ տևած խորհրդակցություններից, բանավեճերից ու զգուշավոր խորհումներից հետո մենք արդեն գիտենք հանրաքվեի արդյունքը, և ողջ Բրիտանիան հարգանքով կվերաբերվի այդ արդյունքներին»,- ասվում է փաստաթղթում:

 

«Մենք պետք է հիշենք, որ չնայած կարծիքների տարբերությանը՝ մենք բոլորս ջերմորեն սիրում ենք Շոտլանդիան: Եվ դա այն է, ինչն օգնում է մեզ բոլորիս միավորել»,-ասել է թագուհին:

 

Համաձայն շրջանի անկախության հարցով հանրաքվեի արդյունքների՝ 55,3%-ը դեմ է արտահայտվել անկախության գաղափարին: