Մոսկվայում Խաղաղության երթ է ընթանում (ուղիղ)

17:46 • 21.09.14

Մոսկվայում այսօր մեկնարկել է Ուկրաինայում պատերազմի դեմ Խաղաղության երթը, որը կազմակերպել է ընդդիմություն և համաձայնեցրել մայրաքաղաքային իշխանությունների հետ, գրում է korrespondent.net-ը:


Երթին հնչում են «Ռուսաստանը Եվրոպա է, ոչ Ասիոպա», «Մեր թշնամին Կիևում չէ, մեր թշնամին Կրեմլում է» և այլ կարգախոսներ:


Տասը օր առաջ Մոսկվայի քաղաքապետարանը առանց փոփոխությունների համաձայնեցրել է երթի երթուղին և հայտարարված մասնակիցների քանակը՝ 50 հազար մարդ:


Մասնակիցները ցանկանում են արտահայտել իրենց բողոքը Ռուսաստանում «ֆաշիստական միտումների աճի» և ներկայիս իշխանությունների գործողությունների պատճառով երկրի համար տնտեսական ծանր հետևանքների դեմ:


Այլ քաղաքներում, մասնավորապես Բարնաուլում, Եկատերինբուրգում և Նովոսիբիրսկում, իշխանությունները տարբեր պատճառներով մերժել են «Խաղաղության երթ» անցկացնելու դիմումը:


Ուկրաինայում խաղաղության հազարից ավելի աջակիցներ են հավաքվել նաև Սանկտ-Պետերբուրգում, ոստիկանությունը խնդրում էր բոլորին ցրվել, քանի որ միջոցառումը արտոնված չի եղել: