Ջրահարսերը գոյություն ունեն. դա է փաստում բժշկական վիճակագրությունը

Ջրահարսերը համաշխարհային բանահյուսության և գրականության հանրահայտ հերոսներ են: Սովորաբար այդ կերպարը կապում են նավաբեկությունների, խորտակումների և ջրհեղեղների հետ: Այս մասին հաղորդում է Meddaily.ru-ն՝ հղում կատարելով The Daily Mail-ին:

Սակայն քչերը գիտեն, որ ջրահարսերն իրականում գոյություն ունեն: Բժշկության մեջ այսպես կոչված «Ջրահարսի համախտանիշի» դեպքեր են փաստագրվել: Դա ոտքերի այլափոխման և սերտաճման մահացու վտանգավոր շեղում է:

Այն եզակի ի ծնե եկող շեղում է, որը 100000-ից մեկ նորածնի մոտ է հանդիպում: Նման շեղման հնարավորությունը մեծանում է միաբջիջ երկվորյակների պարագայում, որի արդյունքում տպավորություն է ստեղծվում, որ մարդը ո'չ թե երկու ոտք, այլ մեկ պոչ ունի:

Նման խանգարումների պատճառը արյան հոսքն ապահովող անոթային ցանցում տեղի ունեցող անոմալիաներն են: Վերջույթներ արյան չմատակարարման հետևանքով երկու վերջույթի փոխարեն պոչանման գոյացություն է առաջանում: Նման խնդիր ունեցող երեխաների մոտ 50%-ը մահանում է դեռևս մոր արգանդում: