Mercedes-Benz-ի 2025-ին արտադրվելիք բեռնատարը «տեսողական համակարգ» կունենա (տեսանյութ)

15:26 • 30.09.14

Գերմանիայում վերջերս կայացած International Commercial Vehicle show (IAA) միջազգային ավտոշոուին Mercedes Benz ընկերությունը ներկայացրել է 2025-ին արտադրվելիք բեռնատարը, գրում է phys.org-ը։

Այն օժտված է լինելու ինքնակառավարվող համակարգով, որը թույլ է տալու մեքենային ինքուրույն վարել և արգելակել խոչընդոտների հանդիպելու դեպքում։ Ինքնավար համակարգը կոչվում է Highway Pilot։

Ինքնաթիռի ինքնավար համակարգերի համեմատ՝ այն ավելի վստահելի է, քանի որ երկու տեսախցիկները և սենսորային ռադարը վարորդի կողմից ոչ մի միջամտության կամ ուղենշման կարիք չունեն։

Մեքենան կարող է ճանապարհատրանսպորտային բարդ իրավիճակներում լուծումներ գտնել։

Բեռնատարի հեղինակները նաև հատուկ ուշադրություն են դարձրել CO2-ի արտանետման և մթնոլորտի համար էկոլոգիապես մեքենա ստեղծելու վրա։