Հայտնի ընկերությունները որոշել են դադարեցնել սենսորային էկրանով դյուրակիր համակարգիչների արտադրությունը

16:08 • 30.09.14

Մի շարք հայտնի ընկերություններ որոշել են դադարեցնել սենսորային էկրանով, այսպես կոչված, «հիբրիդ» դյուրակիր համակարգիչների արտադրությունը, որը համատեղում է սենսորային էկրանն ու ստեղնաշարը, գրում է lenta.ru-ն՝ DigiTimes-ին հղումով։

 

Ըստ տվյալների՝ ընթացիկ տարում նման սարքերի պահանջարկը բավականին ցածր է եղել, ինչը ձեռնտու չէ դրանք արտադրող ընկերություններին։

 

Պահանջարկի անկման պատճառը, հնարավոր է, այն է, որ օգտատերերը նախընտրում են սենսորային էկրանով բջջայիններ և պլանշետներ ձեռք բերել, և նախընտրում են, որ համակարգիչները լինեն պարզապես մկնիկով և ստեղնաշարով՝ առանց սենսորային էկրանի։

 

Ամենաշատը տուժել են Microsoft և Intel ընկերությունները, քանի որ մեծ գումարներ են ներդրվել համակարգիչները գովազդելու համար։

 

Արտադրողները կթողնեն սենսորային ֆունկցիան միայն մի քանի մոդելների համար, մնացած արտադրությունը կդադարեցվի։