Մաշկի աշնանային խնամքի հիմնական 10 սկզբունքը

Մաշկը բավականին զգայուն է մթնոլորտի աղտոտվածության, եղանակային փոփոխությունների և մի շարք այլ երևույթների հանդեպ, ուստի այն պետք է խնամել ամեն օր:

Սակայան տարվա յուրաքանչյուր եղանակի հետ փոփոխվում են նաև մաշկի խնամքի միջոցները: Bigpicture.ru-ն ներկայացնում է մաշկի աշնանային խնամքի 10 կանոնը:

1. Անհրաժեշտ է պահպանել խոնավության համապատասխան մակարդակը, որի համար բավարար է միայն ամեն օր խոնավեցնող քսուկ օգտագործել:

2. Արևից պաշտպանությունը արդիական է ցանկացած եղանակի, չնայած աշնան արևն այնքան էլ վտանգավոր չէ, քան ամռանը, սակայն ուլտրամանուշակագույն ճառագայթներից նույնիսկ աշնանն է պետք պաշտպանվել:

3. Շատ կարևոր է օրական վիտամինների և հակաօքսիդանտների կիրառումը, որի համար անհրաժեշտ է ուտել թարմ մրգեր, բանջարեղեն, ինչպես նաև՝ ձիթենու, քունջութի և նուշի ձեթով մերսել մաշկը:

4. Անհրաժեշտ է մաշկը խոնավեցնող թաց անձեռոցիկներ կիրառել այն պարագայում, երբ ձեռքի տակ չկան խոնավեցնող քսուկներ:

5. Պաշտպանեք մազանոթները. մարմին նեթափանցող աշնան քամին, ինչպես նաև՝ ջերմաստիճանային կտրուկ փոփոխությունները մաշկի տհաճ ռեակցիա են առաջացնում, որի արդյունքում մաշկի մազանոթներն ընդլայնվում են, մաշկը չորանում է, իսկ դրանից խուսափելու համար անհրաժեշտ է հակատարիքային կոսմետիկա օգտագործել:

6. Անհրաժեշտ է մեծացնել D վիտամինի ընդունման չափաբաժինը՝ D վիտամին պարունակող մթերքներ կամ սննդային հավելումներ օգտագործելով:

7. Անհրաժեշտ է պաշտպանվել մրսածությունից և գրիպից, քանի որ նույնիսկ լավանալուց հետո մաշկը դյուրագրգիռ և վատ վիճակում է մնում դեռևս երկար ժամանակ:

8. Պետք է ուշադրություն դարձնել նաև ձկան յուղի, և հատկապես՝ օմեգա-3 թթուների վրա, որոնք կբարելավեն մաշկի, եղունգների, ինչպես նաև՝ մազերի վիճակը:

9. Անհրաժեշտ է հատուկ խոնավեցնող միջոցների օգնությամբ խոնավեցնել ննջարանի օդը այն պահից, երբ սկսվում է բնակարանների ջեռուցման սեզոնը:

10. Անհրաժեշտ է նաև շատ զգուշորեն լվացվել՝ ճիշտ ընտրելով օճառն ու դեմքի մաքրման համար նախատեսված այլ միջոցները: