«Շերեմետևո» օդանավակայանում ձերբակալվել է «օրենքով գող» Լյոխա Իրկուտսկին

16:33 • 06.11.14

Մոսկվայի «Շերեմետևո» օդանավակայանում ոստիկանները ձերբակալել են քրեական հեղինակություն համարվող Ալեքսեյ Գուդինին՝ Լյոխա Իրկուտսկի մականունով, գրում է lenta.ru-ն։

 

Ռուսաստանի ներքին գործերի նախարարության մամուլի ծառայության պաշտոնական հայտարարության մեջ ասվում է, որ 40-ամյա «օրենքով գողը» փորձել է Թուրքիա մեկնել կեղծ անձնագրով։

 

Կրկնահանցագործի նկատմամբ հարուցվել է քրեական գործ՝ պետական սահմանն ապօրինի հատելու փորձի համար։

 

Ներկայում իրավապահներն աշխատում են ստուգել Գուդինի ներգրավվածությունը Ռուսաստանի տարածքում այլ հանցագործությունների մեջ։

 

Նա մտնում է «եղբայրական» հանցախմբի մեջ, որը հայտնի է կատարված հանցագործությունների առանձնակի դաժանությամբ։

 

2001-ին նա կեղծել է իր մահը, որպեսզի խուսափի քրեական պատասխանատվությունից և մինչ այժմ ապրել է կեղծ փաստաթղթերով։

 

Կարդացեք նաև՝ ԱՄՆ-ի կալանավայրերի 11 ամենահզոր հանցավոր խմբավորումները։