Պորտուգալիան հայտնում է ռուսական նավ կանգնեցնելու մասին

12:19 • 06.11.14

Պորտուգալիայի ռազմածովային ուժերի նավը չորեքշաբթի գիշերը ռուսական հետազոտական նավ է կանգնեցրել, որը հայտնվել է այդ երկրի բացառիկ տնտեսական գոտու ջրերում: Այդ մասին հայտնել է Պորտուգալիայի պաշտպանության նախարարը, հաղորդում է BBC-ի ռուսական ծառայությունը:

 

Հաղորդվում է, որ դա հիդրոգրաֆիկ նավ է եղել:

 

Ria.ru-ն՝ վկայակոչելով Պորտուգալիայում Ռուսաստանի դեսպանատունը, հաղորդում է, որ ռուսական կողմը ստուգում է այդ տեղեկատվությունը:

 

Անցած շաբաթ պորտուգալական F-16 կործանիչներն օդ են բարձրացել Մերձբալթյան երկրների օդային տարածքում ռուսական ինքնաթիռները կանգնեցնելու համար:

 

ՆԱՏՕ-ն հայտարարում է, որ Ռուսաստանն ակտիվացրել է ռազմական թռիչքները ՆԱՏՕ-ի անդամ պետությունների սահմաններից քիչ հեռու միջազգային օդային տարածքում: