Ղրիմում «ամերիկանո» սուրճն անվանափոխել են «ռոսիյանոյի»
Սիմֆերոպոլի սրճարանում «ամերիկանո» սուրճի փոխարեն առաջարկում են «ղրիմյան» սուրճ, գրում է gazeta.ru-ն՝ հղում անելով քաղաքի պաշտոնական կայքին:
«Ուշադրությո՛ւն: Անկայուն աշխարհաքաղաքական իրավիճակի առնչությամբ մենք չունենք «ամերիկանո» սուրճ: Հարցրեք «ղրիմյան» սուրճ»,- ասված է հաստատության պատին փակցված հայտարարությունում:
Կոկտեբելում ռեստորանի ղեկավարությունը նույնպես փոխել է ջրով բացված էսպրեսոյի անվանումը: Սուրճի սարքի վրա «ամերիկանո» կոճակը փոխել են «ռոսիյանոյի»:
Ավելի վաղ հաղորդվել է նաև, որ Պրիամուրյեում պատժամիջոցներին ի պատասխան New York պիցցերիան անվանափոխել են «Ամուր-բիստրոյի»:










