Ռեկորդային թվով լեհեր դեմ են եվրոգոտի մտնելուն. հարցում

09:45 • 07.11.14

Եթե եվրոգոտուն անդամակցելու մասին հանրաքվե անցկացվեր Լեհաստանում, ապա եվրոպական միասնական արժույթի կողմնակիցների համար արդյունքները տխուր կլինեին։ Այդ մասին վկայում են CBOS հասարակական կարծիքի ուսումնասիրման ինստիտուտի անցկացրած հարցման արդյունքները, հայտնում է Deutsche Welle-ն։

 

Եվրոգոտի մտնելուն դեմ է արտահայտվել հարցվածների 68%-ը։ Եվրոյին ճանապարհ տալուն կողմ է միայն հարցվածների 24%-ը։

 

CBOS-ի կողմից 2014թ. փետրվարին անցկացված հարցման արդյունքում դեմ էր 63%-ը։

 

Լեհաստանի՝ եվրոգոտուն միանալու հարցը շարունակում է բաց մնալ։ Ազգային արժույթից հրաժարվելու համար անհրաժեշտ է Սեյմի պատգամավորների մեծամասնությամբ փոփոխություններ մտցնել երկրի Սահմանադրության մեջ։