Բրիջիտ Բարդոն Նեպալի իշխանություններից պահանջել է արգելել կենդանիների արյունալի զոհաբերությունները
Ֆրանսիացի դերասանուհի Բրիջիտ Բարդոն Նեպալի իշխանություններից պահանջել է արգելել հինդուիզմում ավանդական դարձած կենդանիների զանգվածային զոհաբերությունները, փոխանցում է Лента-ն։
Իր բաց նամակում դերասանուհին կոչ է անում Նեպալի նախագահ Ռամ Բարան Յադավին թույլ չտալ կենդանիների զանգվածային սպանդը Գադհիմայի Մել տոնակատարության ժամանակ։
Եթե այդ փառատոնը կայանա, ապա, դերասանուհու կարծիքով, «ամբողջ աշխարհը հերթական անգամ սարսափով և հուսահատությամբ կհետևի, թե ինչպես է 2 օրվա ընթացքում դաժանորեն զոհաբերվում 250 .000 ոչխար, գոմեշ, խոզ, հավ, աղավնի, բադ և սպիտակ մուկ»։
Գադհիմայի աստվածուհուն նվիրված տոնը տևում է 1 ամիս և անցկացվում է 5 տարին մեկ։










