ԵՄ-ն կքննարկի Ռուսաստանի դեմ պատժամիջոցների խստացման հարցը
ԵՄ արտաքին քաղաքականության և անվտանգության հարցերով բարձր ներկայացուցիչ Ֆեդերիա Մոգերինին հայտարարել է, որ ԵՄ երկրների արտգործնախարարները հաջորդ շաբաթ կքննարկեն Ռուսաստանի դեմ պատժամիջոցների խստացման ծրագրերը, ինչպես նաև Ուկրաինային օգնելու հարցը. տեղեկացնում է Reuters–ը։
«Հաջորդ շաբաթ մենք նախարարների մակարդակով հանդիպում կունենանք Բրյուսելում, որի ընթացքում կքննարկենք ոչ միայն պատժամիջոցների խստացման, այլև Ուկրաինային այս դժվար ժամանակահատվածում օգնելու հարցը»,- ասել է նա՝ Գերմանիայի արտգործնախարարի հետ հանդիպումից հետո:
Ավելի վաղ Մոգերինին հայտարարել էր, թե նոր պատժամիջոցների հարցը պատրաստ է ԵՄ-ի կառույցներում քննարկելու համար:










