Հնդկաստանում պաշտոնյաներին կպարտադրեն տանը զուգարան ունենալ
Հնդկաստանի Գուջարաթ նահանգի խորհրդարանը հաստատել է օրինագիծ, որը պաշտոնյաներին պարտադրում է տանը զուգարան ունենալ, տեղեկացնում է gazeta.ru-ն:
Օրենքի ուժի մեջ մտնելուց կես տարվա ընթացքում շրջանային նախարարները պարտավոր են տեղի իշխանություններին տեղեկացնել՝ ունե՞ն արդյոք զուգարաններ: Եթե պարզվի, որ չունեն, պաշտոնյան կարող է ազատվել աշխատանքից:
Ընտրությունների ապագա թեկնածուները նույնպես պարտավոր են լինելու փաստաթուղթ ներկայացնել այն մասին, որ իրենց տանը զուգարան կա:
Հիգիենայի նորմերը պահպանելու ակտիվ ջատագով է Հնդկաստանի վարչապետը: Նրա խոսքով՝ դա կօգնի կանխել ջրերի աղտոտումը:
Առողջապահության համաշխարհային կազմակերպության տյվյալներով՝ աշխարհում մոտ 1.1 մլրդ մարդ երբևէ զուգարանից չի օգտվել: Հնդկաստանի բնակչության կեսից ավելին շարունակում է բնական կարիքները հոգալ փողոցներում:










