Թուրքիայում հայ դերասանի անունով փողոց կանվանակոչեն

11:00 • 13.11.14

Թուրքական ֆիլմարտադրության պատմության մեջ անուրանալի ավանդ ունեցած, անմոռանալի անուններից մեկի՝ հայազգի Նուբար Թերզյանի պատվին Ստամբուլի Բույուքդերե շրջանում փողոց կանվանակոչվի, գրում է է «Ակօս» շաբաթաթերթի կայքը:

 

Նրա անունով կանվանակոչվի այն փողոցը, որտեղ ապրել է մեծանուն դերասանը:

 

Բույուքդերեի Սուրբ Հռիփսիմյանց եկեղեցու հիմնադրամի խորհուրդն անցյալ տարի այս ուղղությամբ աշխատանքներ էր սկսել, սակայն առաջարկը մերժվել էր քաղաքային խորհրդի կողմից:

 

Հիմնադրամն ավելի ուշ ստորագրահավաք է կազմակերպել և դարձյալ դիմել քաղաքապետարան, և այս անգամ դրական պատասխան է ստացել:

 

Անվանափոխված փողոցի բացման արարողությունը տեղի կունենա շուտով: