Բաքվում առաջարկում են բոյկոտել ռեստորանը, որտեղ հայազգի երգչուհի Շերի երգն է հնչել
Բաքվի ռեստորաններից մեկում ազգությամբ հայ երգչուհի Շերի երգը հնչեցնելը մեծ աղմուկ է բարձրացրել համացանցի ադրբեջանցի օգտատերերի շրջանում:
Ինչպես տեղեկացնում է Взгляд.az-ը, ադրբեջանական լրատվամիջոցներում տեղեկություն էր հայտնվել այն մասին, որ Բաքվի Mado թուրքական ռեստորանային ցանցում հնչել է էթնիկ հայ Շերիլին Սարգսյանի երգը:
Այդ կապակցությամբ տեսակետ է հայտնել Ադրբեջանի խորհրդարանի պատգամավոր Ֆազայիլ Աղամալըն:
«Որպես Ադրբեջանի քաղաքացի՝ ես հայտարարում եմ, որ նման իրադրություններում հասարակական կարծիքը շատ կարևոր է: Այդ սրճարանը պետք է տուգանվի»,-ասել է պատգամավորը՝ նշելով, որ նման թշնամական երգ հնչեցնելն «ավելի վատ է, քան հայ լինելը»:
Պատգամավորը նշել է, թե այդ կերպ վնաս է հասցվում «Ադրբեջանի ազգային նկարագրին», և ռեստորանը պետք է բոյկոտել ու լրջորեն պատժել:










