Բրիտանական պարբերականը մեղադրել է առաջատար դիզայներներին ճաշակի բացակայության համար (լուսանկարներ)
Բրիտանական The Daily Mail պարբերականը հոդված է հրապարակել, որում մեղադրել է հայտնի դիզայներներին ճաշակի իսպառ բացակայության համար, փոխանցում է Корреспондент-ը։
Պարբերականը հարցադրում է անում, թե ինչու Վալենտինոն, Դոնաթելա Վերսաչեն, Կառլ Լագերֆելդը, Ջոն Գալյանոն, Վիվյեն Վեսթվուդը, ովքեր հագուստ են կարում հարուստների և հայտնիների համար, անկարող են իրենք իրենց հագցնել։
Օրերս Դոնաթելա Վերսաչեն, ով գլխավորում է իր հանգուցյալ եղբոր համանուն նորաձևության տունը, հայտնվել է հանրության առաջ հերթական պլաստիկ վիրահատությունից հետո։ Կնոջ դեմքն անճանաչելիորեն այլանդակված է, սակայն դա չի ստիպում նրան կանգ առնել։ Իսկ միջոցառումներից մեկի ժամանակ Վերսաչեն «ոտքից գլուխ հագնված է եղել վառ, ընձառյուծի մաշկ հիշեցնող հագուստով, ինչը նրան տարեց մարմնավաճառուհու նման է դարձրել», գրում է պարբերականը։
Նման քննադատության են արժանացել նաև Վալենտինոն, Լագերֆելդը, Լոնդոնում Նորաձևության թանգարանի հիմնադիր Զանդրա Ռոդսը և այլ հայտնի դիզայներներ։
Որպես օրինակելի կերպարներ The Daily Mail-ը նշում է Կոկո Շանելին, Իվ Սեն Լորանին և Քրիստիան Դիորին։




















