Կառավարությունը կփոխհատուցի Սիրիայի և Լիբանանի հայերին տրված ՀՀ քաղաքացու անձնագրերի դիմաց չգանձված տուրքերը

16:59 • 18.11.14

Կառավարության հավանության դեպքում Արտաքին գործերի նախարարությանը Կառավարության պահուստային ֆոնդից կփոխանցվի 22 մլն 910 հազ. դրամ՝ ՀՀ քաղաքացու անձնագիր տալու կամ այն փո¬խա¬նա¬կելու համար պետական տուրքի վճարումից ազա¬տելու արդյունքում չգանձված պետա¬կան տուրքի գումարը վճարողների փոխարեն Հա¬յաստանի Հանրապետության պետա¬կան բյուջե վճարելու նպատակով:


Որոշման նախագծի համաձայն՝ 2014թ. 3-րդ եռամսյակի ընթացքում ԱԳՆ-ն տրամադրել է օտարերկրյա պետություններում վավերական 388 անձնագիր, սակայն պետական տուրք չի գանձվել: Ընդ որում, այդ անձնագրերը տրամադրվել են Սիրիայում (269 գործ) և Լիբանանում (119 գործ) գտնվող ՀՀ դեսպանություններում` ազգությամբ հայ այն Սիրիայի քաղաքացիներին, որոնք ձեռք են բերել ՀՀ քաղաքացիություն և դիմել են անձնագիր ստանալու համար: