Անթալիայում պայթյունի հետևանքով զոհվել է 2, վիրավորվել՝ 17 մարդ
Անթալիայում գտնվող գործարաններից մեկում պայթյուն է որոտացել, ինչի հետևանքով տեղում զոհվել է երկու աշխատակից:
Ինչպես տեղեկացնում է «Միլլիյեթ» թերթի կայքը, վիրավորների թիվը հասնում է 17-ի:
Անթալիայի քաղաքապետարանի հրշեջ ծառայության ներկայացուցիչը նշել է, որ վիրավորներից 4-ն առաջին բուժօգնություն են ստացել, իսկ մնացածը հոսպիտալացվել են:
Վիրավորներից երկուսի վիճակը ծայրահեղ ծանր է:










